काठमाडौं– नेपाल राष्ट्र बैंकको लघुवित्त संस्था सुपरीवेक्षण विभागले आर्थिक वर्ष २०८०-८१ को तेस्रो त्रयमासमा नियामक निकायको निर्देशन र मापदण्ड उल्लंघन गर्ने विभिन्न ८ वटा लघुवित्त वित्तीय संस्था, तिनका सञ्चालक समिति र प्रमुख कार्यकारी अधिकृतमाथि कारबाही गरेको छ । 

बैंकले संस्थागत सुशासन कायम नगर्ने र वित्तीय सूचकांक कमजोर भएका संस्थाहरूलाई शिघ्र सुधारात्मक कारबाही तथा सचेत गराउने निर्णय गरेको हो ।

राष्ट्र बैंकका अनुसार पुँजीकोष अनुपात नियामक मापदण्ड भन्दा कम भएका पाँचवटा लघुवित्तलाई शिघ्र सुधारात्मक कारबाही सम्बन्धी विनियमावली, २०७४ बमोजिम कारबाही गरिएको छ । यसरी कारबाहीमा पर्नेहरूमा आरम्भ चौतारी लघुवित्त (पुँजीकोष ७.७७५), गणपति लघुवित्त (६.०६५), सामुदायिक लघुवित्त (६.१२५), नेरुडे मिर्मिरे लघुवित्त (६.०१५)र सिवाइसी नेपाल लघुवित्त (६.२०५) रहेका छन् ।

संस्थागत सुशासन र आर्थिक अनुशासन उल्लंघन गरेको भन्दै केही संस्थाका सञ्चालक समिति र कार्यकारी प्रमुखलाई समेत सचेत गराइएको छ २, ४. ८८ धौलागिरि लघुवित्त ८८ को सञ्चालक समितिले संस्थाको कर्मचारी सेवा विनियमावली विपरित नायब कार्यकारी अधिकृतलाई पुनर्बहाली गरेको र स्पष्ट आधार विना नै तलब भत्ता भुक्तानी गरेको पाइएकाले उनीहरूलाई सचेत गराइएको छ ।

त्यसैगरी, सिवाईसी नेपाल लघुवित्तको सञ्चालक समितिले सवारी साधन खरिद गर्दा आर्थिक प्रशासन विनियमावलीमा भएको खर्च सीमा र अख्तियारी पालना नगरेको पाइएकाले राष्ट्र बैंक ऐन बमोजिम सचेत गराइएको छ । नेरुडे मिर्मिरे लघुवित्तका प्रमुख कार्यकारी अधिकृत भोजराज बस्याललाई ८१ करोड ५५ लाख रुपैयाँ बराबरको कर्जा नोक्सानी व्यवस्था विना आधार फिर्ता गरी आम्दानी देखाएको र राष्ट्र बैंकको निर्देशन विपरित लेखांकन गरेको भन्दै सचेत गराइएको छ ।

राष्ट्र बैंकले यी सबै संस्थाहरूलाई आगामी दिनमा यस्ता गल्ती नदोहोर्‍याउन र नियामक मापदण्ड पूर्ण रूपमा पालना गर्न निर्देशन दिएको छ ।