काठमाडौं– अर्जेन्टिनाका कप्तान लियोनेल मेस्सीले आफ्नो ऐतिहासिक करियरमा अर्को दुर्लभ उपलब्धि थपेका छन् । उनी लगातार सात विश्वकप खेलमा गोल गर्ने पहिलो पुरुष फुटबल खेलाडी बनेका छन्।

अर्जेन्टिनाले जोर्डनलाई ३–१ ले पराजित गरेको खेलमा मेस्सीले गोल गर्दै आफ्नो विश्वकप गोल संख्या १९ पुर्‍याएका छन्। 

यसअघि अस्ट्रियाविरुद्ध दुई गोल गर्ने क्रममा उनले विश्वकप इतिहासकै सर्वाधिक गोल गर्ने खेलाडीको कीर्तिमान कायम गरेका थिए। 

जोर्डनविरुद्धको गोलसँगै उनले उक्त कीर्तिमानलाई अझ मजबुत बनाएका छन्।

लगातार सात विश्वकप खेलमा गोल गर्ने उपलब्धि पुरुष फुटबलमा यसअघि कुनै पनि खेलाडीले हासिल गर्न सकेका थिएनन्।

यस गोलसँगै मेस्सी गोल्डेन बुट जित्ने दौडमा पनि आफ्ना निकटतम प्रतिस्पर्धीभन्दा दुई गोलले अगाडि रहेका छन्। विश्व फुटबलका लगभग सबै प्रमुख उपाधि जितिसकेका मेस्सीका लागि गोल्डेन बुट अझै पनि जित्न बाँकी रहेका केही व्यक्तिगत सम्मानमध्ये एक हो।

३९ वर्षको उमेरमा पनि मेस्सीले विश्व फुटबलमा नयाँ इतिहास रच्दै आफ्नो महान् विरासतलाई अझ उचाइमा पुर्‍याइरहेका छन्।