काठमाडौँ – विश्व फुटबलकै सर्वकालीन महान् खेलाडीमध्येका एक लियोनेल मेसी ३९ वर्षमा प्रवेश गरेका छन् । अर्जेन्टिनी फुटबल संघले सामाजिक सञ्जालमा ‘#SaludoAlbiceleste’ ह्यासट्याग प्रयोग गर्दै आफ्ना ऐतिहासिक कप्तानलाई जन्मदिनको शुभकामना दिएको छ ।

विश्वकप २०२६ को सरगर्मीका बीच अर्जेन्टिनी टोलीले मेसीको जन्मदिन मनाउँदै लेखेको छ, “लियोनेल मेसीलाई ३९ वर्षको हार्दिक शुभकामना: विश्व फुटबलको इतिहास बदल्ने मानिस । जन्मदिनको शुभकामना, कप्तान !”

सन् २०२२ मा कतार विश्वकपको उपाधि दिलाएर अर्जेन्टिनाको ३६ वर्ष लामो प्रतीक्षा समाप्त पारेका मेसी हाल अमेरिकामा जारी फिफा विश्वकप २०२६ मा टोलीको नेतृत्व गरिरहेका छन् । उनको कप्तानीमा अर्जेन्टिनाले यसपटक पनि उत्कृष्ट प्रदर्शन गर्दै दोस्रो चरण (अन्तिम ३२) मा आफ्नो स्थान सुरक्षित गरिसकेको छ । आठ पटकका ब्यालोन डी’ओर विजेता मेस्सीको जन्मदिनको अवसरमा विश्वभरका लाखौं प्रशंसक र फुटबल जगतका हस्तीहरूले उनलाई शुभकामना दिइरहेका छन् ।

उनले यो विश्वकपका दुई खेलमा पाँच गोल गरिसकेका छन् । उनले विश्वकपमा सर्वाधिक गोल गर्ने खेलाडी बनेका छन् । उनले विश्वकपमा १८ गोल गरेका छन्।