काठमाडौँ – प्रधानमन्त्री वालेन्द्र (बालेन) शाहले फेसबुकमा परिवारसहितको तस्बिर सार्वजनिक गर्दै चितवन भ्रमणको प्रवर्द्धन गरेका छन् । राष्ट्रिय स्वतन्त्र पार्टी (रास्वपा) को प्रथम ऐतिहासिक महाधिवेशनमा भाग लिन चितवन पुगेका प्रधानमन्त्री शाहले सामाजिक सञ्जालमार्फत चितवनको आतिथ्यताको प्रशंसा गरेका हुन् ।

प्रधानमन्त्री शाहले फेसबुकमा आफ्नी पत्नी सविना काफ्ले र छोरीका साथमा होटलमा खिचिएको एउटा पारिवारिक तस्बिर पोस्ट गर्दै छोटकरीमा लेखेका छन्, “भिजिट चितवन, न्यानो ठाउँ 🙂” (Visit Chitwan, Nyaano Thaun) ।

कार्यव्यस्तताका बीच प्रधानमन्त्री शाहले परिवारसहितको तस्बिर सार्वजनिक गरेका हुन् । रास्वपा महाधिवेशनको विशेष माहोलका बीच चितवनको होटलमा फुर्सदको समयमा खिचिएको उक्त तस्बिर र पोस्टले आन्तरिक पर्यटन प्रवर्द्धनमा समेत सकारात्मक सन्देश दिएको छ ।