काठमाडौं– प्रधानमन्त्री बालेन्द्र शाह ‘बालेन’ले नेता बन्नलाई जनताको माया जित्नुपर्ने भन्दै समूहमा लागेर नेता बन्न नसकिने बताएका छन् । आइतबार चितवनमा राष्ट्रिय स्वतन्त्र पार्टीको महाधिवेशनमा बोल्दै उनले सो बताएका हुन् ।

‘पार्टीको संस्कार पहिला कताकता बिग्रिएको थियो, गुट बनाउने, यहाँ महाधिवेशन प्रतिनिधिहरू हुनुहुन्छ, केन्द्रीय सदस्य उठ्छु भनेर बस्नुभएका व्यक्तिहरू हुनुहुन्छ होला, पदाधिकारी उठ्छु भनेर बस्नुभएका व्यक्तिहरू हुनुहुन्छ होला’, उनले भने, ‘तपाईंहरूलाई एउटा स्पष्ट के भन्न चाहन्छु भने एउटा राम्रो नेता बन्नलाई, एउटा राम्रो राजनीतिज्ञ बन्नलाई जनताको आस्था, जनताको माया जित्नुपर्छ, कुनै समूहको मायाले हुँदैन ।’

समूह बनाउने पछाडि नलाग्न भन्दै उनले त्यस्तो बिउ नरोप्न उनले भने । उनले पार्टीमा कोही पनि केन्द्रीय सदस्य नभएमा पनि चिन्ता नलिन भन्दै एकल सरकार भएकोले सबै मन्त्री भएको पनि बताए ।