काठमाडौं– राष्ट्रिय स्वतन्त्र पार्टीका सभापति रवि लामिछानेले चार वर्षे राजनीति यात्रामा श्रीमती निकिता पौडेलले अथाह साथ दिएको भन्दै प्रशंसा गरेका छन् । 

सहकारी ठगी प्रकरणमा विभिन्न जिल्लामा थुनामा परेका लामिछानेलाई निकिताले अथाह साथ र माया दिएको भन्दै उनले पहिलो महाधिवेशन स्थलबाट श्रीमतीलाई सम्झिएका हुन् । आफूलाई अप्ठ्यारो पर्दा पनि शिर ननिहुर्र्‍याइनु ठारो सिर गरेर निकिताले साथ दिएको भन्दै उनले प्रशंसा गरे ।

रविले निकिताको मात्रै होइन आफ्नै ७२ वर्षकी दिदीको समेत प्रशंसा गरेका छन् । उनले सहकारी ठगी प्रकरणमा जेल चलान हुँदा तिम्रो भाइलाई मार्छन् भनेर छिमेकीहरूले दिदीलाई भन्दा उनले मारे भने सहिद हुन्छ मेरो भाइ भन्ने उत्तर दिएको सम्झना गरे।

पहिलो महाधिवेशनमा राष्ट्रिय स्वतन्त्र पार्टीमा कुनै गुट उपगुट नबनाउन आग्रह गर्दै राष्ट्रिय स्वतन्त्र पार्टी सबैका लागि उत्तिकै महत्त्वपूर्ण भएको रविको प्रष्टीकरण छ ।