काठमाडौँ – फिफा विश्वकप २०२६ अन्तर्गत समूह ‘एफ’ को खेलमा जापानले ट्युनिसियामाथि ३-० अग्रता बनाएको छ । खेलको सुरुवातदेखि नै आक्रामक बनेको जापानका लागि ड्याची कामाडा, आयुसे उएडा र जे आइटोले गोल गरे ।

खेल सुरु भएको चौथो मिनेटमै कामाडाले गोल गर्दै जापानलाई सुरुवाती अग्रता दिलाएका थिए । त्यसपछि उएडाले उत्कृष्ट ‘लो स्ट्राइक’ मार्फत ३१ मिनेटमा दोस्रो गोल गर्दै पहिलो हाफमै जापानको जित सुनिश्चित गरेका हुन्।

दोस्रो हाफमा जापानले थप एक गोल गर्दै ७० मिनेटमा तीन शून्य गोल अन्तर बनाएको छ । आफ्नो पहिलो खेलमा नेदरल्यान्ड्ससँग २-२ को रोमाञ्चक बराबरी खेलेको जापान आजको खेलमा विजयी भए अन्तिम ३२ नजिक पुग्ने छ ।

यता पहिलो खेलमा स्विडेनसँग पराजित भएको ट्युनिसिया लगातार दोस्रो हारसँगै प्रतियोगिताको समूह चरणबाटै बाहिरिने अवस्थामा पुगेको छ ।