काठमाडौं – रोल्पाको थवाङमा नेत्रविक्रम चन्द ‘विप्लव’ नेतृत्वको पार्टीका एक नेताले उम्मेदवारी दर्ता गराएका छन् ।

थवाङ गाउँपालिका– १ मा‘विप्लव’ नेतृत्वका पार्टीका भद्रकुमार झाँक्रीले स्वतन्त्र हैसियतमा उम्मेदवारी दर्ता गराएका हुन् ।

थवाङ वडा नम्बर १ मा रिक्त अध्यक्ष पदका लागि मंसिर १४ गते उपनिर्वाचन हुँदैछ । अध्यक्षमा उम्मेदवारी दिन वडा नम्बर १ का निर्वाचित सदस्यसमेत रहेका झाँक्रीले मंगलबार गाउँपालिका अध्यक्ष बीरबहादुर घर्ती मगरलाई राजीनामा दिएका थिए ।

२०७४ सालमा भएको स्थानीय तह निर्वाचनमा वडाध्यक्ष फर्कबहादुर बुढासहित सबै प्यानल स्वतन्त्र उम्मेदवारले जितेका थिए ।

वडाध्यक्षका लागि बुधबार नेकपाको तर्फबट जनकबहादुर बुढा, नेपाली कांग्रेसका कमल रोका र विप्लवको तर्फबाट भद्रबहादुर झाँक्रीले स्वतन्त्र उम्मेदवारी दिएका हुन् ।