लस एन्जलस – महिनाौंदेखि जारी युद्ध अन्त्यका लागि अमेरिका र इरानबीच ‘शान्ति सम्झौता’ हुनुभन्दा केही घण्टा अघि मात्र इरानी राष्ट्रिय फुटबल टोली फिफा विश्वकप २०२६ मा आफ्नो पहिलो खेलका लागि लस एन्जलस आइपुगेको छ।

विश्वकप आयोजक सहर आइपुगेका इरानी मुख्य प्रशिक्षक अमिर ग्यालेनोइले राजनीति भन्दा पनि फुटबलका बारेमा मात्र कुरा गर्न चाहेको बताए। टोलीको पहिलो पत्रकार सम्मेलन हुनुअघि फिफा अधिकारीले समेत पत्रकारलाई खेलाडी र प्रशिक्षकसँग खेलकुदसँग मात्र सम्बन्धित प्रश्न सोध्न चेतावनी दिएका थिए, जसमा प्रशिक्षक ग्यालेनोइले पनि टाउको हल्लाउँदै सहमति जनाएका थिए।

तर, खेलकुदमा राजनीतिको छाया प्रष्ट रूपमा देखिएको छ। अमेरिकी भिसा अस्वीकृत हुनु, खेलका क्रममा हुन सक्ने प्रदर्शनको आशंका, र टोलीको बसाइ मेक्सिकोमा राखेर खेलका लागि मात्र अमेरिका आउनुपर्ने जस्ता जटिल प्राविधिक अवरोधहरूका कारण इरानी टोली असन्तुष्ट देखिएको छ।

यिनै असहज परिस्थितिका बीच मुख्य प्रशिक्षक अमिर ग्यालेनोइले आफूलाई रोक्न सकेनन् र अमेरिकाले गरेको व्यवहारप्रति कडा असन्तुष्टि व्यक्त गरे।