काठमाडौं–  सत्तारुढ दल राष्ट्रिय स्वतन्त्र पार्टी (रास्वपा) का सांसद अमरेशकुमार सिंहले सरकारले ल्याएको बजेटमाथि असन्तुष्टि जनाएका छन् । 

बिहीबार बसेको प्रतिनिधिसभा बैठकमा उनले बजेटमाथिको छलफलमा बोल्दै बजेट कार्यान्वयन हुने आधार नदेखेको बताए ।

उनले भने, ‘अन्तर्राष्ट्रिय राजनीतिको साउथ एसियामा कुनै देश नै छैन कि जहाँ जिडिपीको ३२/३३ प्रतिशत बजेट । यो आफैमा एउटा ठुलो फुँकिएको बेलुन हो । फुँकिएको बेलुन लामे समय टिक्दैन। यो बजेट काजमा पनि हुन्छ । मलाई विश्वास छैन, अरू साथीहरूलाई विश्वास होला।’ 

उनले अर्थमन्त्री स्वर्णिम वाग्लेलाई प्रश्न गर्दै भने, ‘युवालाई रोजगारी हामी दिन सकेनौँ भने यो बजेटमा युवालाई रोजगारी दिने कति ठाउँ देखियो ? मैले बुझाउने क्षमता राख्दैन तर म व्यवहारिक क्षमता राखेको छु किनभने जनताको घरदैलोमा गइराख्नुपर्छ, गरिबको भान्सामा देख्नुपर्छ । गरिबले के पायो ? कर्मचारीले त पायो २१% पायो । तर, कर्मचारी कति प्रतिशत छ ?’

जेन-जी आन्दोलन युवाको विद्रोह रहेको बताउँदै उनले युवालाई रोजगारी हामी दिन नसकेको बताए । 

व्यापार घाटा धेरै भएको बताउँदै सांसद शाहले भने, नेपालको सबभन्दा ठुलो रोग र समस्या उत्पादन हो ।’