काठमाडौं– राष्ट्रिय स्वतन्त्र पार्टीका सभापति रवि लामिछानेले विपक्षी दलसँग संवाद जारी राखेका छन् ।

विपक्षीले प्रधानमन्त्री बालेन शाह सदनमा आएर जवाफ दिनुपर्ने अडान कायमै राखेका छन् । यदि त्यसो नभए लिखित रुपमा पेश गरेको जवाफ परराष्ट्रमन्त्री शिशिर खनालले पढ्नुपर्ने माग विपक्षीले राखेका छन् । 

लामिछानेले छलफलमा प्रधानमन्त्रीले लिखित रूपमा जवाफ उपलब्ध गराउनुपर्ने माग राखेको विपक्षी दलका एक नेता बताउँछन् ।  

रविले भने परराष्ट्रमन्त्री नै प्रमको साटो बोल्ने अडान राखिरहेका छन् । तर विपक्षीले बालेनको लिखित पत्र आए मात्रै परराष्ट्र मन्त्रीलाई पढ्न दिने अडान राखिरहेका छन् । बैठकमा अहिलेसम्म सहमति जुटेको छैन ।

छलफलमा नेपाली कांग्रेसका तर्फबाट संसदीय दलका नेता भीष्मराज आङ्देम्बे, प्रमुख सचेतक बासना थापा, एमालेका तर्फबाट  ऐन महर, नेपाली कम्युनिस्ट पार्टीका युवराज दुलाल र राष्ट्रिय प्रजातन्त्र पार्टीका खुश्वु ओली छन् । राष्ट्रिय स्वतन्त्र पार्टीका प्रमुख सचेतक कविन्द्र बुर्लाकोटी र सचेतक क्रान्तिशिखा धिताल उपस्थित छन् ।

कांग्रेस दलका नेता आङ्देम्बेले यो गम्भीर विषय रहेकाले प्रधानमन्त्रीले नै जवाफ दिनुपर्ने मागलाई निरन्तरता दिएका छन् । 

एमालेसहितका दलहरूले यही प्रस्तावलाई अगाडि बढाउँदा मिलनबिन्दुका लागि लिखित जवाफ पेश गरेमा परराष्ट्रमन्त्री खनाललाई बोल्न दिने अडान राखेका छन् ।