काठमाडौँ – प्रधानमन्त्री वालेन्द्र शाहले गृहमन्त्रीमा फेरि सुधन गुरुङलाई ल्याउने निर्णय गरेका छन् । सम्पत्तिका विषयमा विवादमा परेपछि राजीनामा दिएका गुरुङलाई प्रधानमन्त्री शाह गृहमन्त्री बनाउन लागेका हुन् ।

मंगलबार बसेको मन्त्रिपरिषद् बैठकले पूर्व गृहमन्त्री गुरुङ सम्बन्धमा अध्ययन तथा छानबिन गर्न बनेको समितिको प्रतिवेदन ग्रहण गर्ने निर्णय गरेसँगै उनको गृहमन्त्री बन्ने बाटो खुलेको हो ।

सरकारले उनीमाथि छानविन गर्न एउटा समिति बनाएको थियो । छानविन समितिले गुरुङलाई क्लीन चिट दिएपछि गुरुङलाई गृहमा फर्काउन लागिएको हो ।

सरकारले गृहमन्त्री गुरुङको शपथका लागि आजै तयारी गर्न राष्ट्रपति कार्यालयलाई भनेको छ ।

व्यवसायी दीपक भट्टसँग साझेदारी र सम्पत्ति विवरणबारे विवाद हुँदम गुरुङले पदबाट राजीनामा दिएका थिए । भट्टसँग सेयर लगानी लगायतका विषयमा उठेका प्रश्न र टिप्पणीहरूलाई सम्बोधन गर्दै उनले नैतिकताको आधारमा राजीनामा दिएको घोषणा गरेका थिए ।

गुरुङले राजीनामाका क्रमम इमानदारीपूर्वक जिम्मेवारी निर्वाह गर्दै आएको उल्लेख गर्दै पछिल्ला दिनमा आफ्नो शेयर लगानीसम्बन्धी विषयमा उठेका प्रश्न, टिप्पणी र जनचासोलाई गम्भीर रूपमा लिएको उनले बताएका थिए ।

त्यसपछि बनेको छानबिन समितिले सुधनलाई नभएर सरकारको सिस्टमलाई दोष दिने गरि प्रतिवेदन बनाएको थियो। त्यही प्रतिवेदनले सफाइ दिए भन्दै आफ्ना हितैषी सुधनलाई मन्त्रीमा फर्काउन लागेका हुन् ।