काठमाडौं – जेठ १५ बाट प्रदर्शनमा आएको फिल्म ‘रोल नम्बर १’ले सुरुवाती १० दिनमा ९४ लाख ग्रस कलेक्सन गरेको छ ।
चलचित्र विकास बोर्डका अनुसार जेठ १५ देखि २४ गतेसम्म यो फिल्म हेर्नका लागि ३१ हजार ७८८ वटा टिकट बिक्री भएको हो ।
नायक मुकुन भुसाल र नायिका रेणुनाथ योगी शीर्ष भूमिकामा छन् । बालकलाकार निर्भिक रेग्मी पनि शीर्ष भूमिकामा छन् ।
त्यस्तै, वैशाख २५ बाट प्रदर्शनमा आएको ‘लालीबजार’को व्यापार ८ करोड ७८ लाख पुगेको छ । यो फिल्म हेर्न २ लाख ९० हजारभन्दा बढी टिकट बिक्री भएको छ ।
यो फिल्मको शीर्ष भूमिकामा नायिका स्वस्तिमा खड्का छन् ।
प्रतिक्रिया