काठमाडौं– एसियन गेम्स क्वालिफायरको उपाधि निर्णायक खेलमा हङकङले नेपाललाई १८९ रनको लक्ष्य दिएको छ। सिंगापुरस्थित सिंगा ओभल मैदानमा टस हारेर पहिले ब्याटिङ गरेको हङकङले २० ओभरमा ७ विकेट गुमाउँदै १८८ रन बनायो।
हङकङको इनिङ्समा अंशुमान रथले आक्रामक ८० रन बनाएर टोलीलाई ठूलो योगफलतर्फ डोर्याए। शाहिद वसिफले ५५ रनको योगदान दिए भने शिव माथुरले २६ रन जोडे। तर बाँकी ब्याट्सम्यानले उल्लेखनीय प्रदर्शन गर्न सकेनन् र टोलीले मध्यक्रममा गति गुमायो।
नेपालका बलरहरूले अन्तिम ओभरहरूमा राम्रो पुनरागमन गरे। शेर मल्लले ४ विकेट लिँदै हङकङको ब्याटिङलाई ठूलो झट्का दिए। करण केसीले २ विकेट लिए भने सन्दीप लामिछानेले १ विकेट लिएका थिए।
प्रतिक्रिया