काठमाडौं– राष्ट्रिय स्वतन्त्र पार्टी (रास्वपा) का सभापति रवि लामिछानेको आह्वानमा सर्वदलीय बैठक काठमाडौंस्थित संसद् सचिवालय, सिंहदरबारको सार्वजनिक लेखा समितिको हलमा बसेको छ।

बैठकमा सभापति लामिछानेले हालै सम्पन्न आफ्नो भारत भ्रमणबारे सहभागी दलका नेताहरूलाई जानकारी गराएका छन्।

यसका साथै समसामयिक राजनीतिक विषय, दलहरूबीचको संवाद र राष्ट्रिय महत्वका मुद्दाबारे छलफल भइरहेको जनाइएको छ।

बैठकमा सहभागी विभिन्न राजनीतिक दलका नेताहरूले सर्वदलीय बैठकमार्फत संवादको वातावरण सिर्जना भएको भन्दै स्वागत गरेका छन्।

उनीहरूले मुलुकको वर्तमान राजनीतिक अवस्था, संसद्को प्रभावकारी सञ्चालन तथा आपसी सहकार्यका विषयमा धारणा राखेका छन्।

बैठकपछि नेकपा एमालेका प्रमुख सचेतक ऐन महरले देशको हितविपरीत बोलेको विषयमा प्रधानमन्त्री वालेन्द्र शाहले संसद्‍मा आएर जवाफ नदिएसम्म विरोध जारी रहने जानकारी दिए ।

उनले अहिले पनि भारतले नेपालको सीमा मिचिरहेको बताउँदै त्यो सबै कारण प्रधानमन्त्रीको राष्ट्रघाती वक्तव्य भएको पनि उनले बताए ।

संसद्मा जारी गतिरोध अन्त्य गर्ने विषय पनि बैठकको प्रमुख एजेन्डा छ । सभापति लामिछानेले संसद्को अवरोध हटाएर नियमित संसदीय गतिविधि सञ्चालनका लागि साझा समझदारी कायम गर्न आग्रह गरेका छन् ।

बैठकमा विभिन्न दलका नेताहरूबीच यस विषयमा छलफल जारी रहेको र निष्कर्षबारे पछि जानकारी गराइने जनाइएको छ।