काठमाडौँ – एसियन गेम्स छनोट प्रतियोगिताको तेस्रो स्थानका लागि भएको खेलमा मलेसिया आठ विकेटले विजयी भएको छ । दोस्रो सेमिफाइनलमा हङकङसँग पराजित भएको मलेसियाले पहिलो सेमिफाइनलमा नेपालसँग पराजित भएको ओमानमाथि शानदार जित निकालेको हो ।
पहिला ब्याटिङ गरेको ओमानले दिएको ९१ रनको लक्ष्य मलेसियाले १० ओभरको समाप्तिमा मात्र दुई विकेट गुमाएर भेट्टाएको हो ।
सुरुमा ब्याटिङ गरेको ओमान १९ ओभर २ बलमा ९० रन बनाउँदा अलआउट भएको थियो ।
आजै एसियन गेम्स फाइनलमा नेपाल र हङकङ भिड्दैछन् । यो खेल नेपाली समय अनुसार सोमबार दिउँसो १२: १५ बजे सुरु हुँदैछ ।
प्रतिक्रिया