काठमाडौँ । रास्वपाका सभापति रवि लामिछानेले प्रधानमन्त्री बालेनसँग भेट गरेका छन् । हालैमात्र भारत भ्रमणबाट फर्किएका लामिछाने र प्रधानमन्त्री बालेन शाहबीच आइतबार भेट भएको स्रोतले जानकारी दिएको छ ।

स्रोतका अनुसार भेटमा भ्रमणका विषयमा प्रधानमन्त्रीलाई लामिछानेले जानकारी गराएका थिए ।

त्यसपछि लामिछानेले प्रतिनिधिसभा र राष्ट्रियसभामा प्रतिनिधित्व गर्ने राजनीतिक दलका अध्यक्ष तथा सभापतिलाई बैठकका लागि आह्वान गरेका हुन् ।

बैठक सोमबार बिहान ९ बजे सिंहदरबारस्थित सार्वजनिक लेखा समितिको हलमा बस्नेछ ।
प्रतिनिधि सभा बैठकमा प्रश्नोत्तर कार्यक्रममा सहभागी हुनेक्रकमा प्रधानमन्त्री बालेन शाहले नेपालले पनि भारतको सीमा मिचेको आफूले थाहा पाएको अभिव्यक्ति दिएपछि विपक्षी दलले संघीय संसद्का दुवै सदनमा बैठक सञ्चालनमा अवरोध गर्दै आइरहेका छन् ।

सभामुख डीपी अर्यालले पनि बैठक स्थगित भएको ५ दिन भइसक्दासमेत दलका प्रतिनिधिसँग एक पटक पनि छलफल गरेका छैनन् ।

विपक्षी दलले प्रधानमन्त्रीको उक्त अभिव्यक्ति संसद्को रेकर्डबाट हटाउनुपर्ने माग राख्दै आएका छन् ।