काठमाडौँ– एसीसी महिला प्रिमियर कप क्रिकेट अन्तर्गत समूह चरणको अन्तिम खेलमा अहिले नेपाल र हङकङबीच प्रतिस्पर्धा भइरहेको छ ।

मलेसियाको क्वालालम्पुरस्थित कोलेज टुंकु जाफर ओभलमा जारी खेलमा नेपालले टस जितेर बलिङ रोजेपछि हङकङ पहिले ब्याटिङमा उत्रिएको छ ।

आजको खेलको नतिजाले समूह ‘डी’ को विजेता र उपविजेतको टुंगो लाग्नेछ । यी दुवै टोली लगातार दुई खेल जित्दै क्वारटरफाइलनमा पुगिसकेका छन् ।

यसअघिका खेलमा नेपाल र हङकङले कतार र भुटानलाई हराएका थिए । पराजित भएका कतार र भुटान समूहचरणबाट बाहिरिसकेका छन् ।

१८ राष्ट्र सहभागि प्रतियोगितामा समूह ‘ए’ र ‘बी’ मा ५–५ तथा ‘सी’ र ‘डी’ मा ४–४ टोली रहेका छन् ।

प्रिमियर कपका शीर्ष टोली महिला टी–२० एसियाका लागि छनोट हुनेछन्।