काठमाडौं- पाकिस्तानको बलुचिस्तान प्रान्तमा सेनाले गोली चलाउँदा वृद्धको मृत्यु भएको छ । प्रान्तको केच जिल्लास्थित दश्त, द्राचकोह क्षेत्रमा पाकिस्तानी सेनाले चलाएको गोली लागेर एक वृद्धको मृत्यु भएको हो ।
स्थानीय स्रोतका अनुसार सेनाले उक्त क्षेत्रमा अचानक अन्धाधुन्ध गोलीबारी गर्दा द्राचकोह निवासी वाशदिलका छोरा शेर दिलको घटनास्थलमै ज्यान गएको हो ।
यसअघि पनि केच जिल्लामा यस्ता हिंसक घटनाहरू भइसकेका छन् ।
पाकिस्तानी सेनाले गर्ने अन्धाधुन्ध गोलीप्रहार र मोर्टार आक्रमणका कारण यस क्षेत्रमा महिला तथा बालबालिकासहित कैयौँ सर्वसाधारणले ज्यान गुमाएका छन् भने धेरै जना घाइते भइसकेका छन् ।
प्रतिक्रिया