काठमाडौं- प्रधानमन्त्री वालेन्द्र शाहले सीमासम्बन्धी विवाद समाधानका लागि सरकारले तत्परता देखाइसकेको बताएाक छन्।

आइतबार बसेको प्रतिनिधि सभाको बैठकमा सांसदहरूसँगको प्रश्नोत्तरका क्रममा उनले नेपाल-भारत दुवैतिरबाट भूमि मिचिएको खुलेकाले वार्ताबाट समाधानको पहल अघि बढाइएको बताएका छन् ।

उनले भारतबाट मिचिएको नेपाली भूमि लिम्पियाधुरा, लिपुलेक र कालापानीबारे भारतसँग कूटनीतिक माध्यमबाट वार्ता अघि बढ्ने विश्वास व्यक्त गरे ।

उनले उक्त भूमिबारे कूटनीतिक नोट पठाइसकेपछि जवाफ पनि आइसकेको बताएका छन् । ‘यो विवाद डिप्लोम्याटिक रुपमा टेबल टक गरेर समाधान गर्नुपर्छ’, उनले भने, ‘नेपालले पनि भारतको जग्गा मिचेको रहेछ । हामीले मिचेको जग्गाबारे पनि वार्ता गरेर समाधान गर्नुपर्छ।’