काठमाडौं– प्रधानमन्त्री बालेन्द्र शाह ‘वालेन’ले देशलाई स्तरोन्नतीको विषयमा भन्दा पनि आफूहरूको ध्यान वस्तु निर्यात र पैसा आर्जनमा रहेको बताएका छन् ।

आइतबार संसदमा सांसदहरूको प्रश्नको जवाफ दिँदै प्रधानमन्त्री वालेनले देशलाई अति कम विकसितबाट विकासोन्मुख स्तरमा लैजान रोक्न खोजिएको विषयमा सो जवाफ दिएका हुन् । 

‘अहिले नै हामीले एलडीसीबाट ग्रयाजुएट हुँदै गर्दाखेरि हाम्रो ट्रेडका कुराहरू, हामीले निर्यात गर्ने वस्तुहरूमा लाग्ने करहरूमा अहिले छुट पाइन्छ, हामी निर्यातमुखी हुनुपर्छ, देशमा उत्पादन भएको चिज विभिन्न राष्ट्रहरूमा एक्सपोर्ट गर्न पाउँ भन्ने हिसाबले २ वर्षलाई त्यसलाई पारेका हौँ, अहिले आत्मविश्वास बढाउने भन्दापनि देशलाई पैसा चाहिएको छ, पैसा बढाउनेतिर ध्यान गाछ हाम्रो’, उनले भने ।
साथै, उनले चीन विकास भइसकेपछि मात्रै विकासोन्मुखबाट विकसित स्तरमा उक्लेको पनि उदाहरण दिए । 

‘उदाहरण एउटा दिन चाहन्छु, यो लिस्ट डेभलपमेन्ट कन्ट्रीबाट डेभलप कन्ट्रीमा जाने अथवा डेभलपिङ कन्ट्रीबाट डेभलप कन्ट्रीमा जानेमा छिमेकी राष्ट्र चीन अस्ति डेभलपिङबाट डेभलपमा गएको थियो, जबकी डेभलपको पराकाष्ठा नागिसकेको हो त्यो । त्यसकारण यो कुरा स्ट्राटेजिक रूपमा सरकारले सोच्नुपर्छ जस्तो लाग्छ ।’