काठमाडौं- वालेन्द्र शाह नेतृत्वको सरकारले आगामी तीन वर्षमा ८ हजार क्षमताका १० वटा फ्लड लाइट जडित फुटबल रंगशालाको स्तरोन्नति गर्ने भएको छ।

संघीय संसद्को संयुक्त सदनमा आगामी आर्थिक वर्ष २०८३/०८४ को बजेट प्रस्तुत गर्दै अर्थमन्त्री डा. स्वर्णिम वाग्लेले प्रमुख ८ सहरमा ५ वर्षभित्र आधुनिक क्रिकेट रंगशाला पनि बनाउने घोषणा गरे।

काठमाडौं, विराटनगर, सिरहाको लहान, बुटवल, पोखरा, सुर्खेत र धनगढीको फाप्लामा २ हजार दर्शक क्षमताको इन्डोर मल्टिपर्पोज स्टेडियम तीन वर्षभित्र निर्माण गरिने वाग्लेले बताए ।

यता काठमाडौंको मूलपानी क्रिकेट रंगशाला तथा एकेडेमी, गिरिजाप्रसाद कोइराला क्रिकेट रंगशाला र फाप्ला क्रिकेट मैदानको डिजाइन पुनराअवलोकन गरी लगानी मोडालिटी बनाइने पनि उनले घोषणा गरे।