काठमाडौं – नायिका स्वतस्तिमा खड्का शीर्ष भूमिकामा रहेको फिल्म ‘लालीबजार’ले प्रदर्शनको २१ औं दिनमा पनि उच्च संख्यामा दर्शकलाई हलमा तानेको छ ।

बिहीबार इदको सार्वजनिक बिदालाई यो फिल्मले उच्च उपभोग गरेको हो ।

प्रदर्शनको तेस्रो सातामा पनि यो फिल्मको दर्जनभन्दा बढी शो हाउसफुल भएको पाइएको छ । यतिका दिनपछि पनि शो हाउसफुल हुन भनेको फिल्मलाई दर्शकले मन पराएको संकेत हो ।

प्रदर्शनको तीन सातापछि दर्जनभन्दा बढी शो हाउसफुल कमै फिल्मको देख्न पाइन्छ ।

कानुनी झमेलाका कारण सुरुवातामा व्यापारिक अन्योलमा परेको यो फिल्म सकारात्मक वर्ड अफ माउथका कारण पछिल्ला दिनमा पनि उच्च अकुपेन्सी गर्न सफल भएको छ ।

अबका लगातर तीन सार्वजनिक बिदा उपभोग गर्न सकेमा यो फिल्मको व्यापार १० करोड पुग्ने देखिन्छ ।

वैशाख २५ देखि जेठ ९ सम्म यस फिल्मले झन्डै करोड व्यापार गरेको छ ।