काठमाडौं – नायक मुकुन भुसाल, नायिका रेणनाथ योगी र बाल कलाकार निर्भिक रेग्मी शीर्ष भूमिकामा रहेको फिल्म ‘रोल नम्बर १’को बुकिङ खुला भएको छ ।

शुक्रबारबाट प्रदर्शनमा आएको यस फिल्मको बुकिङ बिहीबारबाटै खुलेको थियो ।

वितरक कम्पनी रिच इन्टरटेन्मेन्टका अनुसार यो फिल्मले प्रदर्शनको पहिला दिनका लागि १५० भन्दा बढी शो पाएको छ ।

पाँच फिल्म हलमा रहेको र ती मध्येको ‘लालीबजार’ले राम्रो अकुपेन्सी पाएको अवस्थामा यसलाई विभाजन गरिएको शो सन्तोषजनक हो ।

यो फिल्मले सेन्सरबाट ‘पीजी’ सर्टिफिकेट पाएको छ । अर्थात्, १२ वर्षभन्दा कम उमेरका दर्शकले अभिभावको निगरानीमा यो फिल्म हेर्नुपर्ने छ ।

शैक्षिक मुद्दामा बनेको यो फिल्म स्कुलका बालबालिका केन्द्रित गरी बनाएको बुझिएका छ । त्यसैले निर्माण टिमले विद्यालय केन्द्रित रहेर प्रचार गरेको थियो ।

बहुसंख्य विद्यार्थीहरूलाई फिल्म देखाउन समस्या भएपछि निर्माण टिम सेन्सर बोर्डसँग असन्तुष्ट रहेको छ । सेन्सर बोर्डका सदस्य मनोज पण्डितसँग निर्माण टिमले खुलेरै असन्तुष्टि राखेको छ ।

मनोज लक्षित गर्दै निर्माण टिमले फिल्म नबुझेका मान्छे सेन्सर बोर्डका पुगेको भन्दै असन्तुष्टि राखेको हो । यस फिल्मका निर्देशक जोय योञ्जन हुन् ।