काठमाडौं – भदौ २३ र २४ गते भएको जेन–जी आन्दोलनबारे सूचना संकलनमा गुप्तचर निकाय चुकेको मानव अधिकार आयोगको निष्कर्ष छ । 

राष्ट्रिय अनुसन्धान विभागले घटनाअघि पर्याप्त सूचना संकलन र विश्लेषण गर्न नसक्दा सुरक्षा चुनौतीको पूर्वानुमान कमजोर बनेको आयोगले बुधबार सार्वजनिक गरेको जेन–जी आन्दोलनको प्रतिवेदनमा उल्लेख छ । 

नेपाल विशेष सेवा ऐन, २०४२ अनुसार सुरक्षा सम्बन्धी सूचना संकलन गर्ने मुख्य जिम्मेवारी राष्ट्रिय अनुसन्धान विभागमा छ । 

जसले कुनै पनि घटना विशेषको संवेदनशीलता पहिल्याउन र समयमै जानकारी उपलब्ध गराउन गुप्तचर खटाउन सक्छ । तर विभागको भूमिका निष्क्रिय र प्रभावहीन भएको टिप्पणी प्रतिवेदनमा गरिएको छ ।

परिणामस्वरूप भदौ २४ गते देशभर भएको विध्वसंमा सुरक्षा संयन्त्र सरेन्डर गर्न बाध्य बनेको आयोगको ठहर छ ।