पाँचथर– खबर मिडिया ग्रुपकी राजनीतिक रिपोर्टर ज्ञानु घिमिरेलाई नेपाल पत्रकार महासंघ पाँचथर शाखाद्वारा पुरस्कृत भएकी छन् ।

महासंघ पाँचथर शाखाले वार्षिक साधारण सभामा घिमिरेलाई पुरस्कारसहित सम्मान गरेको हो ।

घिमिरे क्रियाशील पत्रकारिता पुरस्कारबाट सम्मानित हुँदा अन्य चारजना पत्रकारलाई पनि सम्मान गरिएको छ।

महासंघका पूर्वउपसभापति हर्ष सुब्बालाई स्वतन्त्रता सेनानी पत्रकारिता पुरस्कारले सम्मान गरिएको छ ।

फिदिम नगर विकास पत्रकारिता पुरस्कार स्थानीय पब्लिक टाइम्स साप्ताहिकका प्रकाशक, सम्पादक गणेश साम्पाङलाई प्रदान गरिएको छ।

स्वर्गीय प्रजापति-जालपादेवी खेलकुद पत्रकारिता पुरस्कार खेल पत्रकार उपेन्द्र येक्तेनलाई दिइएको छ।

स्वर्गीय हरिचरण-भद्रमाया वातावरण पत्रकारिता पुरस्कार व्यवसायी विष्णु अधिकारीलाई दिइएको महासंघ पाँचथर शाखाका अध्यक्ष भीम बास्कोटाले बताए ।

खबरहककर्मी घिमिरेको पुरस्कार उनकी आमा हरिमाया घिमिरेले लिएकी छन् । २०७७ सालमा कान्तिपुर दैनिकबाट पत्रकारिता सुरू गरेकी घिमिरे तीन वर्षदेखि खबरहबमा राजनीतिक रिपोर्टिङ गर्छिन् ।