काठमाडौं – गायक कृष्ण बिक र गायिका दिपिका बायम्बुको स्वर रहेको गीत ‘ढल्की ढल्की’ सार्वजनिक भएको छ । लोकलयमा आधारिक गीत मार्फत दर्शकको मन जित्दै आएका कृष्णले यसपटक छमछम नचाउने गीत ल्याएका हुन् ।

गीतको म्युजिक भिडियोमा जुना सुन्दास र प्रदीप लामाको अभिनय छ । दिनेश चन्द्र थपलियाको शब्द, सुरेश अधिकारीको संगीत रहेको गीतको भिडियोमा एक प्रेमील जोडीको रोमान्टिक प्रेम कहानी देखाइएको छ ।

प्रदीप लामाले निर्देशन गरेको भिडियोमा कृष्ण थापाको छायाङ्कन र सम्पादन छ । गायककृष्णका ‘आँखा मार्ने’ ‘रातो टिकी’ ‘उता हजुर मुसुक्कै, यता यो ज्यान भुसुक्कै’, ‘यानि माया’, ‘रानी माया’, ‘रातो टिकी’, ‘राधा पियारी’, ‘नीरमाया’सहित २ दर्जन बढी गीत बजारमा आईसकेका छन् ।