काठमाडौं – केन्द्रीय चलचित्र जाँच समितिको नाममा केही हेरफेर भएको छ । यसको अंग्रेजी नाम परिवर्तन गरिएको हो ।

सेन्सर बोर्डमा मनोज पण्डित नियुक्त भएपछि नाम परिवर्तन भएको हो ।

अब ‘केन्द्रीय चलचित्र जाँच समिति’को अंग्रेजी नाम ‘सेन्ट्रल फिल्म एक्नामिनेसन कमिटी’ राखिएको छ । पहिला अंग्रेजी नाम ‘सेन्ट्रल बोर्ड अफ फिल्म सेन्सर’ थियो ।

दुई फिल्मलाई नयाँ नामको प्रदर्शन अनुमति पत्र प्रदान गरिएको छ ।

प्रदर्शन अनुमति पाउने एक फिल्म ‘मितज्यू’का निर्देशक अनिल मगरले अहिले केन्द्रीय चलचित्र जाँच समितिमा पमाणपत्र पाउने प्रक्रिया सहज भएको अनभुव सेयर गरेका छन् ।

उनले विगत सम्झदै लेखेका छन्, ‘सबै परिवार बसेर हेर्न मिल्ने फिल्म होु भन्दै सेन्सरले हाम्रो चलचित्र ‘मितज्यू’लाई यू साइनो दिनुभयो । यो प्रमाण पत्र पाउन ‘घरज्वाइँ’ चलचित्रको समय रुनु परेको थियो । यो पटक निकै सहज भयो । चलचित्र जाँच समिति अर्थात सेन्सरले बल्ल चलचित्रकर्मीको दुःख बझ्न थाल्नुभएछ ।’