काठमाडौँ– प्रतिनिधिसभा बैठकमा श्रम संस्कृति पार्टीले प्रधानमन्त्री वालेन्द्र शाहको विरोध गरेको छ ।

आजको बैठक सुरु हुनासाथ पार्टीका अध्यक्ष एवं संसदीय दलका नेता हर्क साम्पाङ सहितका सांसदहरुले प्रधानमन्त्री संसदप्रति जवाफदेही हुनुपर्ने भन्दै पर्चा देखाएर विरोध प्रदर्शन गरेका हुन् ।

उनीहरुले देखाएको प्ले कार्डमा ‘प्रधानमन्त्री संसदप्रति जवाफदेही बन्नै पर्छ’ लेखिएको थियो । यस्तै प्रश्नदेखि भाग्न पाइँदै, जनमतलाई सम्मान गर, संसद छलेर अध्यादेश ल्याउन बन्द गर, संसदीय मर्यादा पालन गरजस्ता नारा समेत पर्चामा लेखिएको थियो ।

श्रम संस्कृति पार्टीले संसदभित्र प्रदर्शन गरेपछि सभामुख डीपी अर्यालले विरोधका आफ्नै शैली हुने भन्दै सदनको मर्यादाबाहिर गएर विरोध गर्ने काम बन्द गर्न निर्देशन दिएका थिए ।