काठमाडौं- पाकिस्तानी प्रहरीले विभिन्न स्थानबाट आठ जना टिकटक प्रयोगकर्तालाई पक्राउ गरेको छ । सामाजिक सञ्जालमा हतियार प्रदर्शन गरेको आरोपमा उनीहरू पक्राउ परेका हुन् । स्थानीय सञ्चारमाध्यमहरूले यसको पुष्टि गरेका छन् ।

प्रहरी अधिकारी वकास रफिकका अनुसार सामाजिक सञ्जालमा हतियार प्रदर्शन गर्ने युवाहरु विरुद्धको कारबाही जारी रहनेछ । जिल्लाभर बन्दुक संस्कृतिलाई प्रोत्साहन गर्ने जोकोहीलाई पनि कानुनी कारबाही गरिने उनले चेतावनी दिएका छन् ।

प्रहरीको ‘सोसल मिडिया मनिटरिङ सेल’ले पहिचान गरेपछि टिकटक प्रयोगकर्ताहरू पक्राउ परेका हुन्।

अनलाइनमा हतियारको महिमा गाउने कार्यलाई रोक्न प्रहरीले यो अभियान चलाएको हो । युवाहरूमाझ बन्दुक संस्कृतिको विस्तानरलाई निरुत्साहित गर्नु यस अभियानको मुख्य उद्देश्य हो।