दोहा- कतारले इजरायली राष्ट्रिय सुरक्षा मन्त्री इट्मार बेन-ग्भिरद्वारा अल-अक्सा मस्जिद परिसरमा गरिएको प्रवेश र इजरायली बस्ती विस्तारकर्ताका उक्साहटपूर्ण गतिविधिको निन्दा गरेको छ।
कतारको विदेश मन्त्रालयले उक्त कदमलाई ‘विश्वभरका करोडौं मुस्लिमहरूको भावनामाथिको अस्वीकार्य उक्साहट’ भन्दै अन्तर्राष्ट्रिय कानुन र मानवीय कानुनको स्पष्ट उल्लंघन भएको जनाएको छ।
कतार समाचार एजेन्सीका अनुसार कतारले यसलाई कब्जामा रहेको जेरुसेलमको ऐतिहासिक र कानुनी अवस्थालाई परिवर्तन गर्ने खतरनाक प्रयास भनेको छ।
कतारले अन्तर्राष्ट्रिय समुदायलाई प्यालेस्टिनीहरूमाथि भइरहेका उल्लंघन रोक्न इजरायलमाथि दबाब दिन र अन्तर्राष्ट्रिय प्रस्तावहरूको पालना गराउन आग्रह गरेको छ।
प्रतिक्रिया