काठमाडौं – टाटामोटर्सको नेपालका लागि आधिकारिक वितरक सिप्रदी ट्रेडिङले ‘द ग्रान्ड स्विच एक्सचेन्ज क्याम्प’ आजदेखि सुरु गरेको छ। क्याम्प यही जेठ ३ गतेसम्म सञ्चालन हुने छ।

ग्राहकलाई आधुनिक, सुरक्षित तथा विद्युतीय सवारी साधनतर्फ आकर्षित गर्ने उद्देश्यले आयोजना गरिएको उक्त विशेष एक्सचेन्ज क्याम्पमा विभिन्न आकर्षक सुविधा उपलब्ध गराइएको छ।

कम्पनीका अनुसार क्याम्पअन्तर्गत ग्राहकहरूले नगद छुट, उत्कृष्ट एक्सचेन्ज मूल्यांकन, निःशुल्क आजीवन डीसी फास्ट चार्जिङ, निःशुल्क एक्सेसरिज, निःशुल्क वार्षिक सवारी कर तथा निःशुल्क होम चार्जिङ जडान सुविधा प्राप्त गर्न सक्नेछन्।

यस क्याम्पमा टाटामोटर्सका लोकप्रिय विद्युतीय तथा आइसिई सेगमेन्टका विभिन्न मोडलहरू उपलब्ध हुनेछन्। ग्राहकहरूले आफ्नो पुरानो सवारीसाधन साटेर नयाँ टाटा गाडी सहज रूपमा खरिद गर्न सक्ने व्यवस्था गरिएको कम्पनीले जनाएको छ।

एक्सचेन्ज मूल्यांकन सेवा ‘सिप्रदी एस्योर्ड प्रा.लि.’ मार्फत प्रदान गरिनेछ।