काठमाडौँ – इन्डियन प्रिमियर लिग (आईपीएल) मा भुवनेश्वर कुमार सिंह र कासिगो रबाडा सर्वाधिक विकेटकर्ताको दौडमा छन् । रोयल च्यालेन्जर्स बंगलोरुका भुवनेश्वर कुमारले ११ खेल खेल्दै २१ विकेट हात पारेका छन् । उनले ४३ ओभर बलिङ गर्दा ३२१ रन खर्चिएर २१ विकेट लिएका हुन् ।

उनीसँग प्रतिस्पर्धामा रहेका गुजरात टाइटेन्सका कासिगो रबडाले समान २१ विकेट हात पारेका छन् । १२ खेल खेल्दा उनले ४६ ओभर बलिङ गर्दा ४२१ रन खर्चिएर २१ विकेट लिएका हुन् ।

अहिलेसम्म रनरेटका आधारमा भुवनेश्वरकुमार समान २१ विकेट लिए पनि सर्वाधिक विकेटकर्ताको सूचीमा शीर्ष स्थानमा छन् । रबडा दोस्रो स्थानमा छन् ।

१९ विकेट हात पारेका चेन्नई सुपर किंग्सका अंशुल कम्बोज तेस्रो स्थानमा छन् । उनले ११ खेल खेल्दा ३६५ रन खर्चिएका छन् ।

समान १६ विकेट हात पारेका प्रिन्स यादव, राशिद खान र एशान मलिंगा सर्वाधिक विकेट लिने खेलाडीको सूचीमा चौथो, पाँचौं र छैटौं स्थानमा छन् ।