काठमाडौं- दोस्रो विशेष महाधिवेशनमार्फत् सभापति बनेका गगनकुमार थापाले नेपाली कांग्रेस केन्द्रीय कार्यसमितिमा १९ जना नेताहरूलाई समेटेका छन् ।

थापाले सोमबार तत्कालीन सभापति शेरबहादुर देउवा र नेता डा. शेखर कोइरालानिकट नेताहरूलाई केन्द्रीय कार्यसमितिमा समेटेका हुन् ।

कांग्रेसमा दुई समूहको विवाद मिल्ने सम्भावना नदेखिएको अवस्थामा थापाले लचिलो हुँदै दुई नेता निकट अन्य नेताहरूलाई केन्द्रीय कार्यसमितिमा तानेका हुन् ।

थापाले कांग्रेसको विधान, २०१७ (संशोधन सहित) को धारा २१ को उपधारा (१०) बमोजिम महाधिवेशन प्रतिनिधिका रुपमा रहेका ती नेताहरूलाई केन्द्रीय कार्यसमितिको सदस्य पदमा मनोनयन गरेका हुन् ।

१. श्री महेन्द्र यादव-धनुषा
२. श्री जीवन परियार-कास्की
३. श्री उमेश श्रेष्ठ-चितवन
४. श्री रमेश रिजाल-पर्सा
५. श्री सुजाता कोइराला-मोरङ
६. श्री दिलेन्द्रप्रसाद बडू-दार्चुला
७. डा. चन्द्रकान्त भण्डारी-गुल्मी
८. श्री अजयकुमार चौरसिया-पर्सा
९. श्री लक्ष्मी परियार-उदयपुर
१०. श्री आङ्गेलु शेर्पा-सोलुखुम्बु
११. श्री दिनेशकुमार यादव-सप्तरी
१२. श्री राजीव कोइराला-सुनसरी
१३. श्री राजीव ढुंगाना-सुनसरी
१४. प्रा.डा. गोविन्दराज पोखरेल-प्यूठान
१५. श्री सुशिला मिश्र भट्ट-कैलाली
१६. श्री नागिना यादव-महोत्तरी
१७. श्री दिनेश कोइराला-चितवन
१८. डा. जीवन राना-कैलाली
१९. श्री सीता थपलिया (उर्मिला)-धादिङ