काठमाडौं – लगातार फ्लप फिल्म दिइरहेका नायकहरू सौगात मल्ल र गायकसमेत रहेका प्रकाश सपुतलाई ‘परालको आगो’ले राहत दिएको छ । 

चलचित्र विकास बोर्डका अनुसार फिल्म ‘परालको आगो’ले वैशाख ११ देखि २६ गतेसम्म ४ करोडको २५ हजार ग्रस कलेक्सन गरेको छ । 

वैशाखमा प्रदर्शनमा आएका मध्ये सबैभन्दा धेरै ग्रस कलेक्सन गर्ने फिल्म यही हो । अहिलेसम्म यस फिल्म हेर्न एक लाख ४३ हजार वटा टिकट खरिद–बिक्री भएको छ । 

यसको ग्रस कलेक्सन नायक विराज भट्ट स्टारर फिल्म ‘राम नाम सत्य’को भन्दा पनि धेरै हो । नयाँ वर्ष लक्षित गरी प्रदर्शनमा आएको ‘राम नाम सत्य’ले ३ करोड ४० लाख मात्रै ग्रस कलेक्सन गरेको छ । नयाँ वर्षको प्राइम डेट उपभोग गर्न पाएको ‘राम नाम सत्य’को भन्दा ‘परालको आगो’को व्यापार उच्च देखिएको हो ।

अब समग्रमा ‘परालको आगो’को आगो समग्रमा लगानी सुरक्षित गर्ने बाटोमा लम्किएको छ । ग्रस कलेक्सन र विदेशी तथा ओटीटी राइट्सले यसको लगानी सुरक्षित हुने देखिएको हो । 

लगातार फ्लप फिल्म दिइरहेका सौगात र प्रकाश अभिनित ‘परालको आगो’को व्यापारलाई मध्यम मान्न सकिन्छ । त्यसैले उनीहरूले केही राहत महसुस गर्न पाएका छन् । 

‘परालको आगो’का सौगात र प्रकाशसहित नायिका सुहाना थापा शीर्ष भूमिकाका छन् ।