काठमाडौं- निजी क्षेत्रको छाता संगठन नेपाल उद्योग वाणिज्य महासंघको चुनाव मंगलबार हुँदैछ। काठमाडौंको कमलादीस्थित नेपाल प्रज्ञा प्रतिष्ठान परिसरमा उद्योग वाणिज्य महासंघ चुनाव हुँदैछ ।

चार उपाध्यक्षसहित, विषयगत समूहतर्फका केन्द्रीय सदस्यहरूका लागि चुनाव हुन लागेको हो ।

ललितपुरको ग्वार्कोस्थित होटल रोयल टुलिपमा महासंघले ६०औँ वार्षिक साधारणसभा गरेको थियो ।

तर, नयाँ नेतृत्वको चुनाव कमलादीस्थित नेपाल प्रज्ञा प्रतिष्ठानमा हुँदैछ । कार्यतालिका अनुसार बिहान ८ बजेदेखि बेलुका ५ बजेसम्म चुनाव गर्ने योजना छ ।

अहिले कमलादीमा सानादेखि ठूला व्यापारीसम्मको बाक्लो प्रचार छ। व्यापारीले मोबाइल म्यासेज र कमलादीमै क्याम्पियन गरेर भोट मागिरहेका छन् ।

तस्बिरहरू : नेपाल फोटो लाइब्रेरी