काठमाडौं– लगातार तीन दिन सार्वजनिक बिदा परेका कारण स्वास्थ्य सेवा प्रभावित हुन सक्ने भन्दै स्वास्थ्य तथा जनसंख्या मन्त्रालयले देशभरका सरकारी अस्पतालमा आज शुक्रबार ओपिडी सेवा सञ्चालन गर्न निर्देशन दिएको छ ।

मन्त्रालयले २०८३ साल वैशाख १७ गते जारी गरेको प्रेस विज्ञप्तिअनुसार वैशाख १८, १९ र २० गते सार्वजनिक बिदा परेकाले बहिरङ्ग (ओपिडी) सेवा प्रभावित भई सेवाग्राहीलाई असुविधा हुन सक्ने अवस्था देखिएको भन्दै १८ गते ओपिडी सञ्चालन गर्ने विज्ञप्ति जारी गरेको हो ।

मन्त्रालयले सेवाग्राहीलाई सहज रूपमा स्वास्थ्य सेवा उपलब्ध गराउने उद्देश्यले वैशाख आज देशभरका सबै सरकारी अस्पतालमा ओपिडी सेवा सञ्चालन गर्न सम्बन्धित अस्पताल प्रशासनलाई अनुरोध गरेको हो ।

मन्त्रालयका सह(प्रवक्ता डा.समिरकुमार अधिकारीका अनुसार बिदाका कारण सेवा अवरुद्ध नहोस् भन्ने उद्देश्यले यस्तो निर्णय गरिएको हो ।