काठमाडौं – नायिका वर्षा शिवाकोटीले अभिनय गरेका फिल्म व्यावसायिक रुपमा हिट भएनन् । पछिल्लो समय उनी निर्देशक मिलन चाम्सका फिल्ममा दोहोरिएकी थिइन् ।

अहिले भने चाम्स र वर्षाको सम्बन्धमा खटपट परेको फिल्म जगतमा हल्ला छ । लामो समयदेखि चाम्स र वर्षा प्रेम सम्बन्धमा रहेको गसिप चले पनि दुवैले यो हल्ला मात्र भएको बताउँदै आएका थिए । स्रोतले भने वर्षालाई निर्देशक चाम्सले मन पराउने दाबी गर्दै आएको छ ।

गसिपका बीच यता वर्षा शिवाकोटीले भने अमेरिकामा बस्दै आएका सविनजंग थापासँग प्रेममा रहेको खबर बाहिर आएको छ । त्यसो त सेलिब्रेटीहरु प्रेममा रहेको खबर आउनु नौलो होइन । तर, वर्षा केही समयअघि प्रेमीलाई भेट्नकै लागि अमेरिका गएकी थिइन् ।

वर्षा अमेरिका हुँदा आफूसँग घुमघाम गरेका तस्वीर सविनले सामाजिक सञ्जालमार्फत शेयर गरेका थिए । उक्त तस्वीरमा वर्षालाई पनि खुशी भावमा देख्न सकिन्छ ।

यता केही समयको बसाइपछि नेपाल फर्केकी वर्षाले आफ्नो ब्यायफ्रेण्डका बारेमा बोल्नै चाहिनन् । खबरहबसँगको सम्पर्कमा आएकी वर्षाले यो बारेमा आफूले कुनै प्रतिक्रिया दिन नचाहेको बताइन् ।

‘यसबारेमा अहिले केही नबोलौँ होला,’ वर्षाले भनिन् ।

यद्यपि वर्षाले सविनलाई आफ्नो साथी मात्र भएको बताएकी थिइन् । रमाइलो कुरा त के छ भने वर्षा अमेरिका हानिएपछि मिलन चाम्सले नायिका चाहिएको भन्दै एक पोस्ट गरेका थिए । तर, उक्त पोस्टमा न फिल्मको नाम थियो, न त फिल्म बन्ने भन्नेबारे कुनै चर्चा नै थियो ।