काठमाडौं – टिकटकबाट चर्चामा आएर म्युजिक भिडियो हुँदै ठूलो पर्दामा आइपुगेकी नायिका सनिशा भट्टराई छोटो समयमै ठूलो ब्यानरको नोटिसमा परेकी छन् ।

सनिशाले दीपक–दीपाको टिमले बनाउन लागेको फिल्म ‘छ माया छपक्कै २’मा शीर्ष भूमिका निर्वाह गर्ने भएकी हुन् ।

‘छ माया छपक्कै’को नायिका केकी अधिकारी हुन् । सिक्वेलमा पनि उनले निरन्तरता पाएकी हुन् ।

सिक्वेलको छायाङ्कन सोमबारबाट सुरु भएको कलाकार दीपकराज गिरीले सामाजिक सञ्जालबाट जानकारी दिएका छन् ।

दीपक–दीपाको टिमले बनाउने फिल्ममा नायिका को रहन्छिन् ? भन्ने सधैँ चर्चाको विषय बन्छ । उनीहरूको ब्यानर ‘आमा सरस्वती मुभिज’ शत प्रतिशत हिट छन् । यो टिममा नायिका मात्रै परिवर्तन छन् । अन्य कलाकारहरू यथावत नै रहेने गरेका छन् ।

०८१ सालमा दशैँमा प्रदर्शनमा आएको फिल्म ‘१२ गाउँ’मा उनले ठूलो पर्दामा डेब्यू गरेकी थिइन् । यो छोटो समयमै उनी ठूलो ब्यानरको रोजाइ भएकी हुन् ।

शतप्रतिशत हिट फिल्म दिने ब्यानर र टिममा जोडिनुलाई सनिशाको व्यवसायिक प्रगतिका रुपमा हेर्न सकिन्छ ।