काठमाडौं- नेकपा एमालेका सचिव महेश बस्नेतकी पत्नी अम्बिका र शोभा पाठकबीच हात हालाहाल भएको छ । माइतीघर मण्डलामा सोमबार उनीहरुबीच हात हालाहाल भएको भिडियो सामाजिक सञ्जालमा भाइरल भइरहेको छ ।
भाइरल भिडियोमा दलबलसहित पुगेकी अम्बिकाले माइतीघरमा धर्ना बसेकी शोभा पाठकलाई कुटपिट गर्न थालेको देखिन्छ । महेश बस्नेतमाथि बलात्कारको आरोप लगाउँदै आएकी शोभा पाठक केही दिनअघिदेखि माइतीघरमा अनसन बसेकी थिइन् ।
तत्कालीन गृहमन्त्री सुधन गुरुङले पदबाट राजीनामा दिएसँगै शोभाले पनि अनशन तोडेकी थिइन् । अहिले शोभाले गुरुङको पुनर्वहालीको माग गर्दै आएकी छन् ।
झगडा छुट्याएर प्रहरीले दुवै जनालाई जिल्ला प्रहरी परिसर पुर्याएको छ । प्रहरीले घटनाबारे अनुसन्धान भइरहेको जनाएको छ ।
प्रतिक्रिया