काठमाडौं – नायकहरू सौगात मल्ल, प्रकाश सपुत र नायिका सुहाना थापा स्टारर फिल्म ‘परालको आगो’ले सुरुवाती दुई दिनमा मध्यम व्यापार गरेको छ ।

फिल्मका प्रस्तुतकर्ता सुशील पोखरेलका अनुसार फिल्मले शुक्रबार र शनिबारमा एक करोड दुई लाख ग्रस कलेक्सन गरेको छ ।

यो फिल्मले औषतमा दैनिक ५० लाख व्यापार गरेको देखिन्छ । यस हिसाबले यो व्यापार मध्यमसँगै राम्रो पनि हो ।

नेपाली फिल्मले दैनिक एक करोडमाथि ग्रस कलेक्सन गरेको उदाहरण पनि छ । यस हिसाबमा यो मध्यम व्यापार हो ।

दुई दिनमै यो फिल्म ३२ हजारभन्दा धेरै दर्शकले हरेका छन् । माउथ पब्लिसिटीका लागि यो पर्याप्त दर्शक संख्या हो । शुक्रबार र शनिबारका दर्शकले यो फिल्म हेर्न सिफारिस गरेको अवस्थामा व्यापार राम्रो हुने देखिन्छ ।

आइतबारको व्यापार र सोमबार हलमा दर्शकको उपस्थितिले फिल्मको व्यापार निर्धारण गर्ने देखिन्छ । यस फिल्मको निर्देशक लक्ष्मण सुनार हुन् ।