तेहरान– रुसका लागि इरानका राजदूत काजेम जलालीले इरानले जारी युद्धका बाबजुद सातौं क्यास्पियन शिखर सम्मेलन आयोजना गर्ने योजना बनाएको बताएका छन् । “अहिले, हामी सम्मेलन गर्ने योजना बनाइरहेका छौँ र यदि परिस्थितिले अनुमति दियो भने कार्यक्रम निश्चित हुनेछ,” जलालीले भने ।

उनले भने, “इरान सरकारले यसै वर्षको अगस्ट १२ मा क्यास्पियन शिखर सम्मेलन आयोजना गर्ने योजना बनाएको छ, जुन रुसी राष्ट्रपति भ्लादिमिर पुटिन र इरानका सर्वोच्च नेता मोजतबा खामेनीबीच बैठकको लागि पहिलो सम्भावित अवसर हुन सक्छ।”

‘क्यास्पियन फाइभ’ भनिने रूस, अजरबैजान, इरान, कजाखस्तान र तुर्कमेनिस्तानसहित पाँच तटीय राज्य सदस्य रहेको यस क्षेत्रको क्यास्पियन फोरम एक उच्चस्तरीय मञ्च हो ।