काठमाडौँ– माध्यमिक तह कक्षा १२ को परीक्षा आजदेखि सुरु भएको छ । पहिलो दिन आज बिहान ८ बजेदेखि अंग्रेजी विषयको परीक्षा भइरहेको राष्ट्रिय परीक्षा बोर्डले जनाएको छ ।
बोर्डका अनुसार परीक्षामा देशभरका ४ लाख १८ हजार ८ सय परीक्षार्थी सहभागी भएका छन् । जसमा नियमिततर्फ ३ लाख ३२ हजार १७८ र आंशिकतर्फ ८५ हजार ८ सय ३० जना विद्यार्थी रहेका छन् । यस्तै, जापानको एभरेस्ट स्कुलबाट पनि ३६ जना विद्यार्थीले पनि परीक्षा दिँदैछन् ।
परीक्षाका लागि देशभर १ हजार ४२१ वटा परीक्षा केन्द्र तोकिएको छ । परीक्षा यही वैशाख २७ गते सकिने छ ।
तस्बिर : नेपाल फोटो लाइब्रेरी
प्रतिक्रिया