काठमाडौं – नायिका रेखा थापाको निर्देशनमा बनेको फिल्म ‘माया भनेकै यस्तो होला’ को प्रदर्शन मिति तय भएको भएको छ ।

रेखाले शुक्रबार आफ्नो फिल्मको प्रदर्शन मिति भदौ २६ मा तय भएको सार्वजनिक गरेकी हुन् ।

भदौ २९ गते तीज परेको छ । उनले यही पर्वलाई लक्षित गरी फिल्म प्रदर्शनमा ल्याउने भएकी हुन् ।

यस फिल्ममा दुई पूर्व मिस नेपाल सृष्टि श्रेष्ठ, नम्रता श्रेष्ठ र पूर्व मिस नेपाल इन्टरनेन्सनल नीति शाह शीर्ष भूमिकामा छन् । दिल श्रेष्ठ यसको नायक हुन् ।

रेखाको फिल्मले अब दयाहाङ स्टारर फिल्म ‘पेन्सन पट्टा’सँग बक्स अफिस भिडन्त गर्ने भएको छ ।

माओत्से गुरुङ निर्देशित यो फिल्मले केही साताअघि नै भदौ २६ लाई प्रदर्शन मिति तोकेको थियो ।

‘दिया एण्ड अमु फिल्मस्’को ब्यानरमा बनेको ‘माया भनेकै यस्तो होला’को लेखक ध्रुव लम्साल हुन् । निर्माता हरि नारायण श्रेष्ठ र माया देवी श्रेष्ठ हुन् ।

माओत्से गुरुङ फिल्मसको ब्यानरमा बनेको ‘पेन्सन पट्टा’को निर्देशक माओत्से आफैँ हुन् ।