काठमाडौं – काठमाडौं उपत्यकाका नदी किनारमा रहेका सुकुमबासी बस्ती खाली गराउने सरकारको तयारीसँगै अहिले त्यस क्षेत्रको अवस्था तनावपूर्ण बनेको छ। शनिबार बिहानदेखि अतिक्रमित घरटहरा भत्काउने योजना अनुसार प्रशासनले आवश्यक तयारी अघि बढाएको छ।
सरकारको निर्देशनपछि प्रहरीले बिहीबार साँझदेखि नै माइकिङ गर्दै बस्ती खाली गर्न सूचना जारी गरेको छ। सुकुमबासीलाई शुक्रबार साँझसम्म बस्ती छाड्न आग्रह गरिएको छ। शुक्रबार दिनभर पनि माइकिङ जारी रहने र शनिबार बिहानैदेखि डोजर प्रयोग गरी संरचना हटाउने तयारी रहेको छ।
बागमती नदी किनारका थापाथली, सिनामंगल, टेकु र बल्खु क्षेत्रका सुकुमबासी बस्ती यस अभियानको मुख्य लक्षित क्षेत्र हुन्।
प्रतिक्रिया