काठमाडौं – इन्डियन प्रिमियर लिग २०२६ अन्तर्गत ३३औँ खेलमा चेन्नई सुपर किंग्सले मुम्बई इन्डियन्स सामु २०८ रनको लक्ष्य प्रस्तुत गरेको छ।

वानखेडे स्टेडियम मा बिहीबार भएको खेलमा मुम्बईले टस जितेर पहिले बलिङ रोजेको थियो । त्यसपछि पहिले ब्याटिङ गरेको चेन्नईले निर्धारित २० ओभरमा ६ विकेट गुमाउँदै २०७ रन बनायो ।

चेन्नईका लागि सञ्जु सैमसन ले उत्कृष्ट प्रदर्शन गर्दै अविजित १०१ रनको शतकीय पारी खेले। यो उनको आईपीएल करियरको पाँचौँ शतक हो। उनले आफ्नो इनिङ्समा १० चौका र ६ छक्का प्रहार गरे।

अन्य खेलाडीमध्ये ऋतुराज गायकवाड ले २२ रन बनाउँदा डेवाल्ड ब्रेविस ले २१ रनको योगदान दिए। बलिङतर्फ मुम्बईका अल्लाह गजनफर र अश्विनी कुमार ले समान २–२ विकेट लिए। त्यस्तै जसप्रीत बुमराह र मिचेल स्यान्टनर ले एक–एक सफलता हात पारे।