काठमाडौं – ग्याङस्टार जनारमा निर्माण भएको फिल्म ‘पारी बुटोल’ को टिजरले चर्चा पाएको छ ।

लामो समयपछि फरक स्वादको फिल्मको ट्रेलर सार्वजनिक भएपछि यो चर्चाको विषय बनेको हो ।

कलाकारहरूको चरित्रले पनि सामाजिक सञ्जालमा चर्चा पाएको छ ।

टिजरमा दुई ग्याङबीचको झडपको देखाइएको छ ।

यो फिल्म बुटवलका विभिन्न स्थानमा छायाङ्कन गरिएको हो । फिल्मको शीर्षकले फिल्मले सीमाको कथा भन्ने संकेत गर्छ । टिजरले पनि यो संकेतलाई थप बढवा दिएको छ ।

यस फिल्ममा अनुप बराल, दिया मास्के, कामेश्वर चौरासिया, दिव्य देव, सुवर्ण थापा, निरिक्षा घतानी, तुफान थापा, अविरल प्रताप अधिकारी, किरण श्रेष्ठ, सुयोग तिमल्सिना, सुशील सिटौला र विक्रम श्रेष्ठ लगायतका दर्जनौँ कलाकारहरूको अभिनय रहेको छ।

फिल्मको निर्माता ल्याक्सी श्रेष्ठ हुन् ।