काठमाडौं– विश्व ज्योतिष महासंघले नरेश सिंह ‘एस्ट्रो राज’लाई विश्व ज्योतिष महासंघ, यूरोप च्याप्टरको सभापतिमा चयन गरेको छ ।

बुधबार बसेको महासंघको कार्यसमिति बैठकले एस्ट्रो राजलाई सर्वसम्मतले सभापतिमा चयन गरेको हो ।

यस अघि विश्व ज्योतिष महासंघको साउथ एसिया च्याप्टरका सभापति तथा दक्षिण एशियाली महासंघको उपाध्यक्ष समेत रहेका एस्ट्रो राज लामो समयदेखि सगरमाथा टेलिभिजनमा जीवनमन्त्र कार्यक्रम सञ्चालन गर्दै आएका छन् ।

उनले यसअघि म्यान अफ दि इयर–२०१७ र २०१९ को अवार्ड हात पारेका छन् । त्यस्तै, वेष्ट एस्ट्रोलोजर अफ दि एसिया–२०१८ बाट समेत सम्मानित भइसकेका छन् । उनले ज्योतिष सम्बन्धी दर्जनौं अवार्ड समेत हात पारेका छन् ।

उनले ज्योतिष सम्बन्धी देश तथा विदेशमा भएका अनुसन्धानमूलक कार्यक्रमा सहभागिता जनाउँदै आएका छन् ।

एस्ट्रो राजले खबरहब डटकममा दैनिक राशिफल लगायत ज्योतिष शास्त्र सम्बन्धी समाचार, टिप्पणीहरु लेख्दै आएका छन् ।