ढाका- होर्मुज स्ट्रेट बन्द हुँदाको असर बंगलादेशमा स्पष्ट देखिन थालेको छ। देशमा इन्धन सङ्कट गहिरिँदै गएको छ । बंगलादेशले आफ्नो करिब ९५ प्रतिशत इन्धन आवश्यकता आयातबाट पूरा गर्छ।

पेट्रोल पम्पहरूबाहिर लामो लाइन लाग्न थालेको छ । मानिसहरूलाई तेलका लागि घण्टौँसम्म पर्खनुपर्ने अवस्था आएको छ। ऊर्जा बचतका लागि सरकारले विश्वविद्यालयहरू बन्द गरेको छ । कार्यालयहरूको कामको समय पनि घटाएको छ।

कोक्स बजारमा एक बस चालकले इन्धन भर्नका लागि करिब साढे पाँच घण्टा पर्खनुपरेको बताए । जसले गर्दा यात्राहरू प्रभावित भएका छन्।

चालकहरू लेहरेक सवारीलाई दिइने इन्धन लामो दूरीका लागि पर्याप्त नरहेको पनि बताएका छन् ।

इरानको कडा कदम

इरानले होर्मुज स्ट्रेट पूर्ण रूपमा बन्द गर्ने घोषणा गरेको छ। इरानको रिभोलुसनरी गार्ड (आईआरजीसी) नौसेनाले भनेको छ, ‘अमेरिकाले उसको नाकाबन्दी नहटाएसम्म यो महत्वपूर्ण समुद्री मार्ग बन्द नै रहनेछ।’

यसअघि इरानले जहाजहरूलाई शुल्क र अनुमति लिएर गुजर्न दिन्थ्यो, तर अहिले कडा रवैया अपनाउँदै यसलाई पूर्ण रूपमा बन्द गरेको छ।

नौसेनाले यो निर्णयको उल्लङ्घन गर्ने कुनै पनि जहाजलाई निशाना बनाइने चेतावनी दिएको छ। इरानले अमेरिकाको नाकाबन्दी युद्धविरामको उल्लङ्घन भन्दै त्यसको जवाफमा यो कदम चालिएको जनाएको छ।