काठमाडौं – इन्डियन प्रिमियर लिग (आइपिएल) अन्तर्गत शनिबारको दोस्रो खेलमा सनराइजर्स हैदराबादले चेन्नई सुपर किंग्सलाई १९५ रनको लक्ष्य दिएको छ ।
राजीव गान्धी स्टेडियममा भएको खेलमा चेन्नइले टस जितेर पहिले बलिङ गर्ने निर्णय गरेको थियो । पहिले ब्याटिङ गरेको सनराइजर्स हैदराबादले निर्धारित २० ओभरमा ८ विकेट गुमाउँदै १९४ रन बनायो।
हैदराबादको तर्फबाट अभिषेक शर्मा र हेनरिक क्लासनले उत्कृष्ट प्रदर्शन गर्दै समान ५९–५९ रनको अर्धशतकीय पारी खेले। अन्य ब्याट्सम्यानले भने ठूलो योगदान दिन सकेनन् ।
चेन्नइका बलरमध्ये जैमी ओभर्टन र अंशुल कम्बोजले उत्कृष्ट प्रदर्शन गर्दै ३–३ विकेट लिए भने मुकेश चौधरीले २ विकेट हात पारे ।
प्रतिक्रिया